Sendube, tio estas tro da metafiziko ĉe unu sola tenoro; sed la perdo de voĉo ĉion klarigas, kaj iuj filozofoj, simple dirite, estas nur senlaboraj tenoroj.

Mi mem, kara leganto, akceptas la teorion de la maljuna Marcolini, ne nur pro verŝajno, kiu ofte estas la tuta vero, sed krome pro tio, ke mia vivo bone kongruas kun la difino. Mi kantis amoplenan dueton, poste trion, poste kvarteton... Sed ni ne anticipu la aferon; ni iru al la unua parto, en kiu mi eksciis, ke mi jam kantas, ĉar la akuzo de Jose Dias, mia kara leganto, estis direktita ĉefe al mi. Min mem li denuncis.