Nur tre malofte ili estis en la urbodomo, kaj neniam parolis kun la urbestro. Mike ne perdis sian humuron kaj diris  „Bona ŝanco por aranĝi nian edziĝfeston“ sed Mona nun sentis aliajn zorgojn. Ili tute ne povis imagi, kion la urbestro volis. „Restu trankvila“ proponis Mike kaj aldonis, ke kompreneble ankaŭ li vere estis scivolema.

La pordo de la buroo malfermiĝis, kaj granda viro salutis ilin kun agrabla voĉo: „Bonan matenon, mi estas Otto Noack, via urbestro, bonvole eniru“. Mona kaj Mike nur konis ilin de la fotoj en la gazetoj kaj nun demandeme sidiĝis en lia buroo. S-ro Noack rakontis, ke li hodiaŭ ricevis strangan anoniman leteron, kiu detale priskribis la 'MMPS'-projekton. Kaj ĝi enhavis naŭzan minacon. Krome troviĝis multaj aliaj leteroj sur la skribotablo, kiuj unuanime laŭdis tiun projekton. Eĉ alvenis proponoj por ekspansio. „Mi supozas, ke la malamikoj de via projekto estas subtenataj de certaj kirurgoj, kiuj timas, ke ili baldaŭ ne plu estos bezonataj. Ĉiu jaro okazas ja pli ol 20 000 beligaj operacioj por pligrandigi mamojn. Tio estas granda merkato“. Mike replikis, ke tio estis ja nur supozo. Verŝajne ĉiam estus malamikoj kontraŭ novaj procezoj.

„Jes, vi pravas“, konstatis la urbestro kaj raportis pri la enhavo de la aliaj leteroj: „Jen unu interesa propono: Ni konstruas pli grandan 'MMPS'-domon kaj lanĉas mondskalan varbagadon. Tiam malkreskus la senlaboreco en nia urbo, ĉar kromaj firmaoj investus ĉi tie. La ĝis nun ne tiel konata urbo Novlago iĝus fama pro la amaso da raportoj en la gazetaro pri la belulinoj, kiu ĉi tie ricevis la fascinan aspekton. Certe kreskus la nombro de la turistoj. Estus bone, se la naĝejo en Novlago estus ankaŭ pli granda. Tiam eĉ pli da homoj povus admiri la belaspektajn virinojn. Alia propono traktas la pligrandigon de nia instituto. Certe la subvencioj kreskus, kaj multe da novaj sciencistoj venus ĉi tien por pliaj esploroj.“ Nun ankaŭ Mona petis la parolrajton kaj rimarkis: „Vere interesaj proponoj! Sed ni bezonus pliajn junajn virojn, kiuj volas subteni nin kiel spermdonantoj. Tio ja nur funkcius, se Novlago ofertus multajn laboreblecojn aŭ pligrandigus la eblecojn en la universitato“. La urbestro dankis kaj anoncis plian traktadon de tiuj temoj en la venontaj kunsidoj. Krome li promesis plifortigitan protekton de la 'MMPS'-domo per la polico.