D-ro František Kožík (16.05.1909 – 05.04.1997), estis klasikulo de la moderna ĉeĥa literaturo, samregionano de Komenio (ambaŭ devenas el la sudmoravia urbo Uherskë Brod) kaj favoranto de Esperanto, honora membro de ĈEA. Aktive li partoprenis la Esperanto-programojn de Verda Stacio en Brno (1932-1938), kiam li laboris en Brno kaj poste en Prago kiel dramaturgo de radio.

La legantoj lin konas precipe kiel aŭtoron de biografiaj kaj historiaj romanoj, sed li verkis ankaŭ por junularo kaj pri la nuntempo.

Liaj ĉefaj verkoj

Poeto ne mortas (Camões, portugala poeto).

Kavaliro de trista figuro (Cervantes, hispana verkisto).

La plej eminenta inter Pierotoj (Deburau, franca mimo).

La nigra suno (Markizo de Sade, franca verkisto).

Lumo en tenebroj, Anĝelo de paco (Komenio, ĉeĥa pedagogokaj filozofo en la 17-a jc. ).

Sur la herbokovrita irvojeto (Leoš Janáček, ĉeĥa komponisto).

Kroniko pri la regado de Karlo IV, reĝo bohema kaj imperiestro romia (14-a jc.).

Mánes (Josef Mánes, ĉeĥa pentristo).

Katenoj de la fideleco (Jaroslav Čermák, ĉeĥa pentristo).

Sur alo de ventmuelejo, Maltrankvila sankt-martena somero (Zdenka Braunerová, ĉeĥa pentristino).

Fanfaroj por la reĝo (Eduard Vojan, ĉeĥa aktoro).

Amato de la nacio (J. K. Tyl, ĉeĥa dramverkisto).

Kryštof Harant (ĉeĥa komponisto, ekzekutita komence de la tridekjara milito).

Mi similas Kristarbon (Rudolf Têsnohlídek, ĉeĥa verkisto).

Frenezulojn nutras Dio (historia romano pri mezepokaj aktoroj en Flandrio).

Super valoj mateniĝas (Šarovec, fikcia hetmano en la 17-a jarcento).

La urbo de feliĉaj amoj (Telč, sudmoravia historia urbo).

Rentgenbildo de la koro: normala (moderna novelo).

Fabeloj de kristnaska sonorileto (porinfana libro).

Cirko Ĉe Tri Sunfloroj (porinfana libro).