Vortoj malfacile kompreneblaj por nesvedoj estas klarigitaj per notoj. Nomojn, esprimojn kaj menciojn pri historiaj okazoj, kiuj estas pli ĝenerale konataj, mi ne klarigis. Kelkaj malmultaj svedaj vortoj estas uzitaj. Kompreneble ili ne estas proponataj kiel neologismoj.

La origina skribmaniero de propraj nomoj restas netuŝita. Proksimumaj elparolklarigoj estas donataj ĉi sube. Por konservi certan nuancon de la originalo mi en unu punkto pekis kontraŭ la gramatiko. Nome mi ordinare nomis la majoredzinon en Ekeby majorino. Tiu titolo estas vera karakterizo, kaj tial mi opinias ĝin uzinda.

Akuzativon ĉe nomoj mi aplikis laŭeble. Ie mi devis forlasi ĝin por ne tro strangigi la lingvon.