4.7.2010

Karaj amantoj de judaj ŝercoj,

Morgaŭ mi flugos al Ameriko, kie atendos min la Universala Kongreso kaj pliaj esperantistaj eventoj. Tial ni havu longan ripozon de la ŝercoj. La venontan ŝercon vi ricevos la 8-an de aŭgusto.

Agrablan someron! (en la suda hemisfero: agrablan vintron!)

Hipokondrio

Mi ne scias ĉu tio estas vera, sed multaj homoj opinias, ke judoj estas hipokondria popolo. Eble pro tio, ke ili ĉiam timas, ke io malbona okazu…

Jen koncerna ŝerco:

Italo, franco, ruso, germano, meksikano kaj judo vagadas en la dezerto.

Diras la italo: "Mi estas laca kaj soifa. Mi nepre bezonas vinon."

Diras la franco: "Mi estas laca kaj soifa. Mi nepre bezonas konjakon."

Diras la ruso: "Mi…. Mi nepre bezonas vodkon."

Diras la germano: "Mi…. Mi nepre bezonas bieron."

Diras la meksikano: Mi…. Mi nepre bezonas tekilon."

Diras la judo: "Mi estas laca kaj soifa. Mi verŝajne havas diabeton."