מבוא

La ŝercoj kaj anekdotoj de juda humuro, kiujn Josi sendadis ĉiusemajne al pli ol ducent sekvantoj ĉirkaŭ la mondo, fariĝis ege popularaj. Antaŭ sia operacio Josi skribis, ke estos paŭzo de du monatoj en la ŝercoj … bedaŭrinde tiu paŭzo ankoraŭ daŭradas…

Du tagojn post lia forpaso atingis min tiu mesaĝo de unu el liaj "abonantoj":

From: Miroslav Malovec
Sent: Sunday, April 01, 2012 11:52 PM
To: amri@huji.ac.il
Subject: Josef Ŝemer kaj liaj anekdotoj

Estimata samideano,

mi apartenas al 240 esperantistoj, kiuj dum

tri jaroj ricevadis de Josef Ŝemer liajn anekdotojn.
Mi kolektis ilin kun datoj de dissendo,
Eble ili estos utilaj por tiuj, kiuj kolektos
lian verkaron.
Amike
Miroslav Malovec

Krom teknika redaktado mi lasis ĝin tiel kiel ĝi estis ricevita (kaj verkita de Josi).

Amri

Juda Humuro – kelkjara projekto de Josi

Dum kelkaj jaroj Josi kolektadis ŝercojn kaj anekdotojn sub la titolo “juda humuro”. Li ricevadis tiujn ŝercojn kaj anekdotojn de amikoj en la tuta mondo, kaj ankaŭ tradukis multajn el la hebrea, la jida kaj aliaj lingvoj, en Esperanton.

La humuraĵojn li kutimis sendi ĉiusemajne (du aŭ tri ŝercojn aŭ anekdotojn ĉiusemajne) al amikoj, abonantoj de lia reto de juda humuro.

Josi kaj mi (t.e. Eldad) kutimis legi kelkfoje anekdotojn el tiu kolekto dum klubaj vesperoj en Tel-Avivo; mi daŭrigas ĉi tiun tradicion ankaŭ post lia forpaso.

Eldad