La Edukada Servo
de I-LO en Tarnovo
Do strony głównej I LO w Tarnowie

Materialoj por geliceanoj
 

  Librejo       Enhavo       Reen  


LIBRO DE L’ HUMORAĴO

Aŭtoro: Paul de Lengyel

©2024 Geo
I-LO en Tarnovo

La Enhavo

La Edukada Servo
La Librejo
La Titola Paĝo

1 2 3 4
Humoraĵoj
1 2 3 4 5 6 7 8
Bagateloj
1 2 3 4 5 6 7 8 9
10 11 12 13 14
15 16 17

XVII

 SENKAÛZA EKSEDZIĜO

Malpacaj geedzoj iras al la pastro.

La edzo: Via pastra moŝto, mi deziras eksedziĝi.

La pastro (AL LA EDZINO): Kaj vi, mia filino?

La edzino: Mi ankaŭ deziras eksedziĝi.

La pastro: Miaj gefiloj, kiam geedzoj estas tiel samvolemaj, la eksedziĝo estas absolute nenecesa.

VORTLUDO

A.: Bonan tagon, amiko. Vi estas tie ĉi? Vi transmigris el via urbo en la nian!…

B.: Jes, sed mi logos tie ĉi nur dum la daŭro de la striko de l’ panbakistoj en mia urbo.

A.: Ĉu la panbakistoj strikas ĉe vi?

B.: Jes, bedaŭrinde. La loĝantoj de mia urbo estas devigataj manĝi kukojn anstataŭ panon.

A.: Ĝi do fariĝis kukurbo.

SURPRIZA RESPONDO

La junulo: Se mi iam edziĝos, mi ne demandos pri la doto de mia fianĉino…

La sinjorino: Vi pensas ja noble.

La junulo: Ĉar mi edziĝos je tia virino, pri kiu mi certe scios, kian doton ŝi havas.

KOMPLEZO

La bankdirektoro: Kara advokato, mi petas de vi komplezan bonfaron.

La advokato: Kion do?

La bankdirektoro: Oni procesumis mian bankon. Mi estus tre kontenta, se vi povus tiel aranĝi la aferon, ke vi estu la advokato de nia kontraŭulo.

LA LASTA VORTO

Ludovikino vizitas sian amikinon vidviniĝintan.

– Kaj kiuj estis la lastaj vortoj de via edzo?

– Li ne havis; vi ja scias, ke inter ni ĉiam mi diris la lastan vorton.