Eksterordinare mirigas min la malrapideco de la deputitoj.

Kiaj kaŭzoj povus haltigi ilin? Ĉu efektive Francujo? Jes, tiu regno estas la plej ne akcelanta. Mi iris al la poŝtejo por informiĝi, ĉu ne venis hispanaj deputitoj; sed la poŝtestro estas eksterordinara malsaĝulo, – li nenion scias.

– Ne, – li diris, – tie ĉi estas neniuj hispanaj deputitoj, sed, se vi skribos leteron, ni akceptos ĝin laŭ la nuna tarifo.

Je diablo! Kion signifas letero? Letero estas sensencaĵo.

Leterojn skribas nur apotekistoj, sed antaŭe malsekigante sian langon per vinagro, ĉar sen ĝi la tuta vizaĝo kovriĝus per likenoj.