La Edukada Servo
de I-LO en Tarnovo
Do strony głównej I LO w Tarnowie

Materialoj por geliceanoj

  Librejo       Enhavo       Reen  


NIAJ KUNULOJ, LA BESTOJ

Aŭtoro: Paŭlo Sergio Viana

©2024 Geo
I-LO en Tarnovo

La Enhavo

LA ORA LEON–SIMIETO

17

La Ora Leon–Simieto estas primato, tio estas, ĝi estas proksima parenco de la homo. La grandeco de ĝia korpo varias de dudek ĝis preskaŭ kvardek centimetroj, kaj la vosto, tridek ĝis kvardek centimetroj. Ĝia pezo estas inter 360 kaj 800 gramoj. La felo estas mola kaj silkeca, or–flava, kaj ĉirkaŭ la kapo ĝi formas amason similan al tiu de leono. Ĝi estas tre simila al alia specio – la Nigra Leon–Simieto. Ĝiaj ungoj estas longaj, kaj taŭgas por kapti manĝaĵojn. Kutime ĝi manĝas fruktojn, plantosukon, florojn, bestetojn kaj reptiliojn.

Ĝia vivo daŭras ne pli ol 15 jarojn. Ili vivas en grupoj, kiuj similas al familioj, sed oni jam observis solecajn individuojn. Nur la plej forta femalo naskas idojn (po unu aŭ du, ĉiufoje). Tamen, la aliaj grupanoj helpas en la zorgado de la infanoj. Ili estas tre aktivaj dum la tago, kaj nokte ili dormas en arbotruoj. Ili krias multajn diversajn sonojn por komunikado.

La Ora Leon–Simieto vivas en la brazila Atlanta Arbaro, en la regiono de ŝtatoj Rio–de–Ĵanejro kaj Espírito Santo. Pro ĝia beleco, multaj homoj deziras posedi ĝin kiel dorlot–beston. Ĉi tio kontribuas al minaco kontraŭ tiu eleganta specio. Aliaj minacaj faktoroj estas la detruado de arbaroj por agrokulturo kaj bredado de brutoj, kaj la plivastiĝo de urboj. Biologiistoj klopodis protekti tiujn simietojn en artefaritaj lokoj, sed kiam oni sendas ilin en naturan arbaron, multaj mortas, pro manko de kapablo sin defendi. Jaguaroj, grandaj serpentoj kaj hundoj estas predantoj de la Ora Leon–Simieto.

Malgraŭ la klopodoj de biologiistoj, tiu specio ankoraŭ estas sub minaco de estingiĝo. Nuntempe, ekzistas nur kelkaj miloj da individuoj en la libera naturo. En Brazilo, ĝi fariĝis simbolo de la batalo por protektado de la naturo.


<<  |  <


La letero al prizorganto de la Edukada Servo

Via email: (se vi volas ricevi respondon)
La temo:
Atenton: ← Enskribu la vorton  ilo   , alie la letero malsendiĝos

Skribu la mesaĝon sube (ne pli ol 2048 literoj).

La nombro de literoj por uzado: 2048


La Fakgrupo de
Kemio-Fiziko-Informatiko

en la Unua Liceo Ĝeneraledukada
nomita al Kazimierz Brodziński
en Tarnowo
Str. Piłsudskiego 4
©2024 mag. Jerzy Wałaszek

La materialoj nur por edukada uzado. Ilia kopiado kaj multobligado licas
nur se oni sciigas pri la fonto kaj ne demandas monon por ili.

Bonvolu sendi demandojn al: i-lo@eduinf.waw.pl

Nia edukada servo uzas kuketojn. Se vi ne volas ricevi ilin, bloku ilin en via legilo.