fabriko

granda malpura domo kun maŝinoj

facila

kvalito de Esperanto

fali

ne resti en la aero, sed iri al la tero

familio

multaj homoj en unu hejmo

fantazio

fabriko de belaj bildoj en la kapo

fari

la demanda vorto de verboj

farti

senti sin

feliĉa

juna + forta + sana + riĉa

fenestro

bona homo eniras tra pordo, la malbona homo tra la fenestro

fianĉo

feliĉa viro, kiu havas ringon

fidela

kvalito de hundoj kaj veraj amantoj

filo

1. patrido
2. la malgranda homo de granda homo

filozofo

homo, kiu multe multe pensas

fingro

ringotenilo

fiŝo

senpieda kaj silenta besto en akvo

flago

la plej festa tuko; ĝi diras: ‘mi apartenas al lando aŭ homgrupo

flari

trinki la odoron per la nazo

flava

la koloro de la suno

floro

1. ŝlosilo de la koro
2. la plej bela parto de arbo

flui

iri kiel akvo

flugi

naĝi en la aero

folio

1. parto de libro
2. la verda vesto de arbo

forgesi

foriri el la kapo

forno

1. aparato, kiu varmigas ĉambron
2. loko, kien aminto metas la leterojn de sia amito
3. vintra meblo

forta

kvalito de bona kafo

fratoj

homoj, kiuj havas la samajn gepatrojn

fraŭlo

li serĉas amatinon

fraŭlino

la floro de la familio

frazo

vortoj inter granda litero kaj punkto

freŝa

tio, kio ne longe kuŝis en ŝranko

frue

matene je la sepa horo

frukto

la plej bona parto de arbo

frunto

libera loko super la okuloj ĝis la haroj

fulmo

tre mallonga forta lumo en la ĉielo

fulmotondro

skandalo en la ĉielo

fumi

tenas cigaredon en la buŝo kaj la cigaredo iras en la homon kaj en la aeron

fundamento

1. piedo de domo
2. grava regularo de Esperanto