La Edukada Servo
de I-LO en Tarnovo
Do strony głównej I LO w Tarnowie

Materialoj por geliceanoj
 

  Librejo       Enhavo       Reen       Antaŭen  


FABLOJ KAJ AFORISMOJ

Aŭtoro: Janos Dorosmai

©2022 Geo
I-LO en Tarnovo

La Enhavo

AFORISMOJ

SAĜECO

Arto de regado

Ju pli da homoj iu regas, des pli da fantazio li bezonas.

Li nome devas imagi ankaŭ ties dezirojn, situacion, animstaton, kiuj ne sciigas, aŭ ne povas sciigi ilin al li.

Kiu regas nur kun la volo kaj priaŭskulto de tiuj, kiuj alparolas lin, tiu gvidas en revolucion!

La spertiĝo

estas la saĝeco de filistroj. La filistreco estas la sensperteco de la sensaĝuloj.

Se fieron

kuniras modesto, ĝi iĝas altira, nobla simplo; se malsaĝo ĝin trapenetras – stulta orgoljo.

La saĝo

ne egalas akumuliĝon de scioj. Nek ekkonon de la mondo.

Kiu sin mem ekkonis, kaj povis tiri el tio ĉiujn konsekvencojn: estas saĝa.

La scienco de la vivo

Alie ni parolas ĉe malfermita fenestro, ol post fermitaj pordoj.

Por teni postenon

ĉiu havas tiom da mankoj, kiomas la orgoljo, kiun sekve de la ricevo de ĉi posteno li montras. En kapo ne toleranta vakuon okupas ĉi-kaze la lokon de la scio orgoljo, kiu estas nenio alia, ol memrespektanta stulto.

Parto anstataŭ tuto

Unu saĝa buŝo iufoje pli valoras, ol tri da malprudentaj kapoj.

Eĉ arbusto

turnas la dorson – ”Jen la dorso, parolu kun ĝi! – al la malĝentila vento…

Saĝo

Ankaŭ nigra kokino aprezendas, se eventuale ĝi eligas blankan ovon.

Semiologio

Kiu ne volas vidi la fulmojn, aŭdos la tondrojn. Kaj kiu ankaŭ ĉi tiujn neglektas, tiun plagos – la pluvo!

Antaŭvidemo

  1. Kiu iam volas vidi la arbojn de sia ĝardeno en vico, plej bone li faras semante ties grajnojn en vico.
  2. Perdiĝas la arbo, kiu pli frue faligas siajn nunajn foliojn, ol ĝi havus la burĝonojn de la futuro.
  3. Lamulo apogas sin sur sia bastono, saĝulo sur sia menso.
  4. Malsaĝa estas tiu birdo, kiu tiel forĵetas siajn plumojn pro la somera varmo, ke poste manke de ili ĝi ne povas flugi.

Diskutantoj

Kiu diskutas kun malsaĝulo, diskutas kun sia amiko.


<<  |  <  |  >


La letero al prizorganto de la Edukada Servo

Via email: (se vi volas ricevi respondon)
La temo:
Atenton: ← Enskribu la vorton  ilo   , alie la letero pereos

Skribu la mesaĝon sube (ne pli ol 2048 literoj).

La nombro de literoj por uzado: 2048


La Fakgrupo de
Kemio-Fiziko-Informatiko

en la Unua Liceo Ĝeneraledukada
nomita al Kazimierz Brodziński
en Tarnowo
Str. Piłsudskiego 4
©2022 mag. Jerzy Wałaszek

La materialoj nur por edukada uzado. Ilia kopiado kaj multobligado licas
nur se oni sciigas pri la fonto kaj ne demandas monon por ili.

Bonvolu sendi demandojn al: i-lo@eduinf.waw.pl

Nia edukada servo uzas kuketojn. Se vi ne volas ricevi ilin, bloku ilin en via legilo.