Ranja Robertine Jeanne d’Arc Lydie ZAFINIFOTSY naskiĝis en 1996 kiel la plej juna el ses infanoj de kamparana familio en sudorienta Malagasio. En 2014 ŝi translokiĝis al la ĉefurbo Antananarivo kaj studis tie administradon de neregistaraj organizoj. Ekde 2018 ŝi laboras tie kiel sekretariino kaj administrantino en lernejo por malriĉaj infanoj. Krome ŝi verkas teatraĵojn en la malagasa lingvo, kiujn disaŭdigas radiostacio en Antananarivo.

Esperanton ŝi eklernis en 2018. Kvar jarojn poste, ŝi debutis kiel esperanta verkistino per la rakonto „La sorto de Aina“.