MALVARME

– Miaŭ! Miaŭ!
– Kiu miaŭas post la pordo?
Ŝajnas, ne ĉio estas en ordo.
– Miaŭ! Miaŭ!
Neĝas ekstere, estas malvarme.
Lasu min ĉambren, mi petas larme.
Miaŭ! Miaŭ!
– Se ne varmigas vin via pelteto,
Venu al forno, mia kateto.
Venu! Venu!

DILIGENTAJ MANOJ

Knaboj!
Kion ni faru por ne enui?
Eble dometon novan konstrui?
Okupo ne mal-interesa.
Kio estas por ĝi necesa?
Stupo,
Martelo,
Najloj,
Fero,
Tabuloj el kverka arbo,
Farbo,
Mastiko,
Vitrobrikoj...
Sed ĉefe, junaj brigadanoj,
Necesas diligentaj manoj!

NEĜAS

Hodiaŭ neĝas de maten'.
Sur strato sonas krioj
Infanaj: "Plenas la aer'
Je blankaj papilioj!"
Kaj ĉiuj kaptas per man-plat'
Senganta. Post minuto
Anstataŭ blanka papili'
En mano – akva guto.