Vladimir Beekman naskiĝis en Tallinn la 23-an de aŭgusto 1929 kiel filo de ŝoforo. En la komenco de la Dua Mondmilito la 12-jara knabo perdiĝis ĉe evakuo survoje al Leningrado, restis ĉe la fronto kiel "filo de regimento" kaj poste ea infanhejmo en Oranienbaŭm. En 1953 li finis en Tallinn la Politeknikan Instituton kiel kemiisto. Li eklaboris kiel estro de la beletristika redakcio en la Estona Ŝtata Eldonejo (1953–1956), poste jam kiel liberprofesia verkisto.

V.Beekman estas en la estona soveta literaturo unu el la plej aktivaj kaj fekundaj aŭtoroj, kies vigla karaktero kaj talento esprimas sin en diversflankaj verkoj. La ĉefa loko en lia vasta verkaro apartenas al poezio. Liaj unuaj versaĵoj aperis en periodaĵoj jam dum la Dua Mondmilito. La unua poemaro "Kanto pri juneco" aperis en liaj studentaj jaroj, en 1952. Poste sekvis ankoraŭ ses versaĵaroj kaj la poemo "Lumo de Orienta Eŭropo" (1963). En 1974 aperis ampleksa kolekto de elektitaj versaĵoj kaj poeraoj "Bubala herbejo".

La poezia verkado de V. Beekman trairis dum la pli ol dudekjara periodo atentindan evoluon: de la juneca patoso de la unuaj versaĵoj la vivsperta poeto transiris al liriko-filozofiaj artaj ĝeneraligoj. La objekto de lia atento fariĝis homo-kreanto kun siaj faroj kaj pensoj. Kun sia karaktera dialektika alproksimiĝo al vivofenomenoj kaj homa naturo V.Beekman estas unu el la plej elstaraj reprezentantoj de la civitana poezio en la estona literaturo.

En la lastaj jaroj li dediĉis sin ankaŭ al romana ĝenro. Elstaras la romanoj "Transitpasaĝero" (1967), "Noktaj aviadistoj" (1975) kaj "Kaj cent mortoj" (1978). En la romanoj li pritraktas postmilitajn seriozajn kaj komplikajn problemojn, diversajn homsortojn, kaŭzitajn de la milito.

Li vojaĝis en multaj landoj (Svedio, Finnlando, Brazilo, Aŭstrio, Nederlando, Kanado, Norvegio, Aŭstralio, Meksikio, Nov-Zelando k. a.). La vojaĝoj, kies impresoj estas priskribataj en multaj vojaĝlibroj kaj publikaĵoj, animas ankaŭ liajn beletrajn verkojn. Li estas konata ankaŭ kiel aŭtoro de multaj infanlibroj. tradukitaj en diversajn lingvojn.