La Edukada Servo de I-LO en Tarnovo Materialoj por geliceanoj

Eliro       Enhavo       Reen       Antaŭen   Aŭtoro: d-ro Benson

©2024 Geo I-LO en Tarnovo

LA PATRO AĈETIS KAPRETON Kapreto. Kapreto. La patro aĉetis por du guldenoj kapreton, kapreton. Venas la hundeto kaj mordas la kapreton, kiun la patro aĉetis por du guldenoj. Venas la bastoneto kaj batas la hundeton, kiu mordis la kapreton, kiun la patro aĉetis por du guldenoj. Venas la fajreto kaj bruligas la bastoneton, kiu batis la hundeton, kiu mordis la kapreton, kiun la patro aĉetis por du guldenoj. Venas la akveto kaj estingas la fajreton, kiu bruligis la bastoneton, kiu batis la hundeton, kiu mordis la kapreton, kiun la patro aĉetis por du guldenoj. Venas la bovineto kaj trinkas la akveton, kiu estingis la fajreton, kiu bruligis la bastoneton, kiu batis la hundeton, kiu mordis la kapreton, kiun la patro aĉetis por du guldenoj. Venas la buĉisto kaj buĉas la bovineton, kiu trinkis la akveton, kiu estingis la fajreton, kiu bruligis la bastoneton, kiu batis la hundeton, kiu mordis la kapreton, kiun la patro aĉetis por du guldenoj. Venas la mortanĝelo kaj mortigas la buĉiston, kiu buĉis la bovineton, kiu trinkis la akveton, kiu estingis la fajreton, kiu bruligis la bastoneton, kiu batis la hundeton, kiu mordis la kapreton, kiun la patro aĉetis por du guldenoj.

LA UZADO DE LA SUFIKSO IST. Floro. Floristo. Dento. Dentisto. Violono. Violonisto. Drogo. Drogisto. Maro. Maristo. Boto. Botisto. Maŝino. Maŝinisto. Tamburo. Tamburisto. Poto. Potisto. Horloĝo. Horloĝisto. Harpo. Harpisto. Barelo. Barelisto. Artisto. Fotografisto. Vitristo. Ŝtelisto. Lavistino. Kudristino. Kuiristino. Floristino.

FELIĈA  -  MIZERA. Feliĉaj infanoj. Mizeraj infanoj.

Al lecionoparto: [2] [3] [4]

---

<<  |  <  |  >

La Fakgrupo de Kemio-Fiziko-Informatiko en la Unua Liceo Ĝeneraledukada nomita al Kazimierz Brodziński en Tarnowo Str. Piłsudskiego 4 ©2024 mag. Jerzy Wałaszek

La materialoj nur por edukada uzado. Ilia kopiado kaj multobligado licas
nur se oni sciigas pri la fonto kaj ne demandas monon por ili.

Bonvolu sendi demandojn al: i-lo@eduinf.waw.pl

Nia edukada servo uzas kuketojn. Se vi ne volas ricevi ilin, bloku ilin en via legilo.