Universala Esperanto Metodo: Sesa leciono

obrazek

HORLOĜO

TEMPO.

Sesdek sekundoj faras unu minuton.
Sesdek minutoj faras unu horon.
Dudek kvar horoj faras unu tagon.
Sep tagoj faras unu semajnon.
Kvar semajnoj faras unu monaton.
Dek du monatoj faras unu jaron.
Dek jaroj faras jardekon.
Dek jardekoj faras unu jarcenton.
Dek jarcentoj faras unu jarmilon.

KIOMA HORO ESTAS?

	La tria.			Kvin minutoj post la tria.
	Kvarono post la tria.			Duono post la tria.
	Kvarono antaŭ la kvara.			Dek minutoj antaŭ la kvara.

EN LA LERNEJO.	Kajero.	Liniilo.
EN LA LERNEJO.	Skribtabulo.	Gumskrapilo.

Kia, Kial, Kie, Kies,
Kio, Kiom, Kiu, Do

Demando: KIO estas ĉi tio?
Respondo: Tio estas ĉapelo.
Demando: KIE estas la ĉapelo?
Respondo: Ĝi estas en via mano.
Demando: KIU havas la ĉapelon?
Respondo: Vi havas ĝin.
Demando: KIES ĉapelo estac ĉi tio?
Respondo: Ĝi estas via.
Demando: KIA ĉapelo estas ĉi tio?
Respondo: Ĝi estas mola kaj nigra.
Demando: KIOM estas unu ĉapelo kaj du ĉapeloj?
Respondo: Unu ĉapelo kaj du ĉapeloj estas tri ĉapeloj.
Demando: Tre bone, sed, se unu ĉapelo kaj du ĉapeloj estas tri ĉapeloj, kiom estas tri ĉapeloj kaj sep libroj?
Respondo: E-e?.. me-e?.. be-e?..
Demando: KIAL vi ne respondas?
Respondo: Dek.
Demando: Dek kio, ĉapeloj?
Respondo: Ne.
Demando: KIO do, dek libroj?
Respondo: Ne.
Demando: KIO do?
Respondo: KIA demando! – Tri ĉapeloj kaj sep libroj estas - sep libroj kaj tri ĉapeloj.

HISTORIO. – SAĜA.

La reĝo Salomono estis tre SAĜA homo. Ĉu vi aŭdis la HISTORION pri Salomono kaj la infano? Li ordonis tratranĉi ĝin, kaj doni la duonojn al la du patrinoj.

FIDELA.


Hundo estas la plej FIDELA besto.

LA MUELISTO KAJ LIA AZENO.

	Muelisto kaj lia filo iras al la bazaro por vendi sian azenon.
	Preteriras viro kaj diras: "Ĉu ne estus pli bone, se unu el vi rajdus la azenon?"
	"Tio ja estus pli bone", respondas la muelisto, kaj li sidigas sian filon sur la dorson de la azeno.
	Jen la filo de la muelisto rajdas la azenon, kaj la muelisto postsekvas.
	Sed jen alia viro preteriras kaj diras: "Tio ne estas ĝusta, bubo, ke vi rajdas kaj lasas vian patron piediri."
	"Vi estas prava", diras la muelisto, kaj deazenigas la filon.
	Li mem sidiĝas kaj rajdas la azenon, dum la filo piediras.
	Kaj jen ili renkontas du virinojn. "Ĉu vi ne hontas rajdi la azenon dum via bubo lame piediras!!" ili diras.
	La muelisto ruĝiĝas de honto. Li desaltas kaj sidigas la filon sur la dorson de la azeno.
	Li mem surgrimpas la dorson.
	Kaj jen ili ambaŭ rajdas la azenon.
	La azeno nur faras kelkajn paŝojn, kiam alia viro diras: "Ĉu vi ne kompatas la malfeliĉan beston? Ĝi jam ne povas marŝi."
	La muelisto pripensas kaj diras: "Eble vi estas prava." Li desaltas mem,
	kaj tiam li helpas sian filon deazeniĝi.
	La patro nun kunligas la antaŭajn kaj postajn krurojn de la azeno.
	La knabo alportas fortan stangon, kiun li trovis sur la vojo.
	Ili pendigas la azenon sur la stangon.
	Kaj jen la muelisto kaj lia filo portas la azenon sur siaj ŝultroj.
	Sed ĉiu, kiu ekvidis la strangan spektaklon, ridis je ilia naiveco.
	La muelisto fine ekkomprenis, ke oni ne povas kontentigi ĉiujn homojn kaj li ĵetis la azenon en la riveron.

FINO.

Al lecionoparto: [1] [3] [4]

<< | < | >

La materialoj nur por edukada uzado. Ilia kopiado kaj multobligado licas
nur se oni sciigas pri la fonto kaj ne demandas monon por ili.

Bonvolu sendi demandojn al: i-lo@eduinf.waw.pl

Nia edukada servo uzas kuketojn. Se vi ne volas ricevi ilin, bloku ilin en via legilo.

Via email:	(se vi volas ricevi respondon)
La temo:
Atenton:	← Enskribu la vorton ilo , alie la letero malsendiĝos

Leciono 6: parto dua

La letero al prizorganto de la Edukada Servo