KELKE  -  MULTE

Li prenas unu moneron.

Li prenas kelke da moneroj.

Li prenas multe da moneroj.

FOJO.  KUKOLO.

JEN ESTAS KUKOLHORLOĜO. Je la unua horo la kukolo en la horloĝo diras "kuku" unu FOJON. "KUKU". Je la dua horo la kukolo diras "kuku" du FOJOJN. "KUKU", "KUKU". Je la tria horo la kukolo diras "kuku" tri FOJOJN. "KUKU", "KUKU", "KUKU". DEMANDO: Kiom da FOJOJ la kukolo diras kuku je la sesa horo? RESPONDO: Ses FOJOJN.

GRADOJ DE KOMPARO.

JEN ESTAS KVAR FLOROJ.
La unua floro estas bela.
La dua floro estas PLI bela OL la unua.
La tria floro estas PLI bela OL la dua.
La kvara floro estas la PLEJ bela EL ĉiuj.

JEN ESTAS TRI POMOJ.
La unua pomo estas malbona.
La dua pomo estas PLI malbona OL la unua.
La tria estas la PLEJ malbona EL ĉiuj.

Ĉi tiu krajono estas PLI longa.

Ĉi tiu krajono estas la PLEJ longa.

FOJO.  RONDO.  PLI.  PLEJ.

Johano, Petro kaj Karlo komencis RONDKURI
la RONDON je la tria horo. Nun jam estas
la kvara horo. En unu horo Johano RONDKURIS
la RONDON dek FOJOJN; Petro ok FOJOJN;
kaj Karlo dekunu FOJOJN. Nun la demando
estas: – Kiu el la tri knaboj kuras la PLEJ
rapide, kaj kiu el la tri knaboj kuras la
MALPLEJ rapide?

RESPONDO: – Johano kuras PLI rapide OL
Petro, sed MALPLI rapide OL Karlo. El la
tri knaboj, Karlo kuras la PLEJ rapide, kaj
Petro kuras la MALPLEJ rapide.

PLI  -  PLEJ

Petro  skribas bele.

Karlo  skribas PLI   bele.

Johano  skribas  la PLEJ bele.

VIDI  -  AŬDI  -  FLARI.

Lampo lumas.	Li vidas la lumon.
Sonorilo sonoras.	Li aŭdas la sonoron.
Floro odoras.	Ŝi flaras la odoron.

SAKO.

SONOJ DE LA BESTA REGNO.

Serpento siblas.	HOMO PAROLAS.
Ĉevalo henas.
Hundo bojas.
Kokino klukas.	Virkoko krias.	Ŝafo baas.
Korvo grakas.	Kato miaŭas.	Birdo pepas.
Lokusto ĉirpas.	Kapro baas.	Abelo zumas.
Rano kvakas.	Bovino blekas.	Porko gruntas.

LA MONATOJ DE LA JARO

Januaro,	Februaro,	Marto
Aprilo,	Majo,	Junio,
Julio,	Aŭgusto,	Septembro,
Oktobro,	Novembro,	Decembro.

LABORI.

Fosado estas laboro.	Kudrado estas laboro.	Skribado estas laboro.	Pensado estas laboro.
Abeloj laboras.	Araneo laboras.	Birdoj laboras.	Bovoj laboras.