Fumi cigaredojn same kiel drinki ebriigajn drinkaĵojn estas malbona KUTIMO.

1. Stefano KUTIME ĉiam tenas sian pipon en la buŝo, alie li ne povas labori.

2. Petro, laŭ KUTIMO, trinkas glason da vino antaŭ ol li enlitiĝas, alie li ne povas EKdormi.

CIGNO estas granda, blanka birdo, kun tre longa kolo. Rigardu, kiel la birdo ENGLUTADAS tutan pomon!

Ĉiu homo estas PERSONO aŭ INDIVIDUO. Ekzemple: – vi povas diri: – HOMO ESTAS ENIRANTA LA DOMON, aŭ PERSONO ESTAS ENIRANTA LA DOMON, aŭ tiel same: – INDIVIDUO ESTAS ENIRANTA LA DOMON.

Ne TUŜU viajn okulojn per viaj malpuraj manoj. Jen estas pura NAZTUKO.

La knabo TREMAS per sia tuta KORPO, ĉar li timas la bojantan hundon.

Petro VERŜAS vinon el botelo en glasetojn.

Karlo ELVERŜIS la inkon sur la tablo.

Petro jam de longe ne vidis Marion, sed jen li RENKONTAS ŝin en la strato, kaj la PARO ĝojege SALUTAS unu la alian.

La jena homo estas tiel forta, ke li FACILE levas kvin-cent KILOGRAMOJN per unu mano. Por ordinara homo tio estas ne nur MALFACILAĴO, sed tuta neeblaĵo.

KURACISTO estas doktoro de medicino. KURACISTO KURACAS malsanulojn. Jen la KURACISTO estas preparanta medikamenton por la malsanulo. Medikamento estas kuracilo aŭ RIMEDO por resanigi malsanulojn.

La tuta tablo estas OKUPATA de libroj, kaj eĉ loketo ne RESTAS kien starigi la glason de teo.

Mario forte dormas, kaj dum la dormo ŝi SONĜAS pri sia amo al Petro, kun kiu ŝi estas iranta al la altaro.

Johano KUTIME trinkas glason da vino ĉiu-matene, sed ĉi tiun matenon, KVANKAM li jam eltrinkis du botelojn da vino, li TAMEN ne ĈESIS trinki, ĉar jen la kelnero jam alportas al li la trian botelon.

La unuan fojon, kiam Karlo PROVIS levi la pezan ŝtonon, li ne SUKCESIS. Sed la duan fojon Karlo PENIS per sia tuta forto, kaj kiel vi vidas, la PROVO estis SUKCESA.

KARLO: – Ĉu vi povas DIVENI, kion mi havas en mia mano?

LUDOVIKO: – Ne. Mi ja ne estas PROFETO. Ĉu vi ne malkaŝos tion al mi?

KARLO: – Ne, tion mi ne povas, ĉar tio estas SEKRETO, sed se DIVENOS, mi PROMESAS doni la OBJEKTON al vi.

LUDOVIKO: – Ĉu vi vere PROMESAS tion?

KARLO: – Jes, honeste.

LUDOVIKO: – Nu bone. Mi PROVOS DIVENI la SEKRETON. Ĉu tio estas nukso?

KARLO: – Jes. Vi bone DIVENIS. La nukso estas via, kiel mi PROMESIS. Jen.

KARLO: – Ĉu vi vidis mian novan krajonon?

LUDOVIKO: – Tio tute ne estas nova krajono, ĉar vi montris al mi la saman krajonon hieraŭ.

KARLO: – Ne, Ludoviko, vi tute ERARAS. Ĉi tiu krajono ne estas la SAMA, kiun mi montris al vi hieraŭ. Ĝi estas tute alia, kaj ĝi DIFERENCAS de la hieraŭa en tio, ke tiu estis blua kaj ĉi tiu estas ruĝa.

Petro: – "ŜAJNAS, ke baldaŭ ni havos ekpluvegon, ĉar la tuta ĉielo estas kovrita per DENSAJ nuboj."

Johano: – "ŜAJNAS? Mi estas certa pri tio. Jen rigardu, jam fulmas kaj tondras."

La SOLA celo de la nun fama Linderbergh estis Parizo, kaj li ne restis ĝis li ATINGIS sian celon.