Kion vi ne volas, ke aliaj faru al vi,
tion vi ne faru al la aliaj.
Tio estas la tuta Instruo.
Ĉio alia estas komentarioj.
Nun iru kaj studu ĝin.

Hilel (Talmudo, Ĥabat 31)

Oni ne povas forpeli la mallumon
per bastonegoj kaj armiloj.
La sola maniero estas ekbruligi kandelon,
kaj la mallumo meme foriĝas.

Nia kandelo estas la Instruo.

Ŝofec Ŝaim

Feliĉa estas tiu, kiu kaŭzas bonan faron
ĉar li havas same grandan meriton je tio,
kiel se li mem estus ĝin farinta.

Tiu, kies bonaj faroj superas
lian saĝon estas kiel arbo kun malmultaj branĉoj
sed kun multaj radikoj.

Eĉ ventego ne povas ekskui ĝin.

Ne la studado estas la ĉefafero,
sed la farado.

La Instruon oni povas kompari al du vojoj:
la unua el fajro,
la dua el glacio.

Iru sur la unua kaj vi pereos pro varmego.
Iru sur la dua kaj vi frostiĝos.

Kiun elekti?

Iru inter ili.

Talmudo, Hagiga 2:1

La Instruon oni povas interpreti
laŭ 49 diversaj manieroj,
kaj Dio ordonis Moseon
obei la plejmulton.

Talmudo, J. Sanhedrin 4:2

Sur tri aîoj la mondo kuŝas:
sur la Instruo
sur la diservo
sur amofaroj.

Simon la Justulo (La prapatraj sentencoj 1:2)

Sur tri aîoj la mondo kuŝas:
sur vero
sur justeco
sur paco.

Simon ben Gamliel (La prapatraj sentencoj)

Estu zorgemaj kiam vi juĝas,
eduku multaj disĉiplojn
kaj konstruu barilon ĉirkaŭ la Instruo.

La prapatraj sentencoj 1:1

La tradicio estas barilo
ĉirkaŭ la Instruo.

Rabi Akiva (La prapatraj sentencoj 3:17)

Ne faru la barilon pli valora
ol la ĉirkaŭbarota.

Midraŝ, Genesis raba 19:3

Domo atestas pri la konstruinto,
vesto pri la teksinto,
pordo pri la ĉarpentisto.

Nia mondo per sia nura ekzistado atestas
pri la kreinto – Dio.

Laŭ rabi Akiva (Midraŝ, Temura 3)

Kiel mano antaŭ la okuloj
povas kaŝi montegon,
la tervivo malebligas al ni
vidi la veran lumradiadon del’ universo.

Naĥman el Braclav

Preĝante,
mi preĝas rapide,
ĉar parolas al Dio mi.

Studante (la Instruon),
mi legas malrapide,
ĉar parolas al mi Dio.

La universo estas ĉiam nefinita &
ĝi postulas nian ĉiaman laboron
kaj nian senĉesan inventemon
ĉar ni estas la kunkreantaoj de la kreinto.

Simĥa Bunim

Ne sufiĉas admoni homon
pliboniĝi.

Ankaŭ helpu lin.

Korecer rabi

Kiel la marteolo povas
dispecigi la rokon,
ero el la Skribo
povas eligi multajn signifojn.

Talmudo, Sanhedrin 34a

Dio sin kaŝas antaŭ nia racio
sed aperas antaŭ nia koro.

Laŭ Sohar

Ĉio estas en la potenco de Dio
– krom la pieco.

Talmudo, Beraĥot 32b

Se homo havas du bovinojn,
fortan kaj malfortan,
li metas la jugon sur la fortan.

Same Dio faras al la justuloj.

Midraŝ, Genesis Raba 32:3

Kiam ni staros antaŭ Dio
li ne demandos:

Ĉu vi kredis je Dio
sed

Ĉu vi traktis vian kunulon
juste?

Laŭ Talmudo, Ĥabat 3a

Dio kreis ĉion – krom falsecon.

La mondo por ni estas nova ĉiun matenon.

Estas Dia dono.

Tial la homo konsideru sin
renaskita ĉiun tagon.

Bal Ĥem Tov