SCIENCO estas la tutaĵo, kiun la homa INTELEKTO scias pri NATURO. SCIENCO estas tio en NATURO, kio estis PRUVITA, kaj pri kio ni scias ke ĝi estas FAKTO aŭ vero. KREDO neniam estas FAKTO ĝis ni scias, sed tiam tio ne plu estas KREDO, ĉar ĝi fariĝas SCIENCO.

Petro estas tiel forte INTERESATA pri sia libro, ke li tute ne vidas, ke la NAJBARA domo brulas. La homoj en la strato kriadas, sed li eĉ ne aŭdas.

Ĉi tiu homo estas tiel malriĉa, ke li eĉ ne POSEDAS ŝuojn aŭ ĉapelon. Lia tuta POSEDAĴO estas la peco da pano, kiun li nun manĝas.

La viro ĉe la tablo MENDIS por sia matenmanĝo du ovojn kaj glason da teo, kaj jen ni vidas, ke la SERVISTO SERVAS tiujn al li, sed ho ve! La glaso turniĝas kaj la tuta teo elversiĝas sur la kapon de la malfeliĉa viro.

Karlo legas tiel rapide, ke li TURNAS novan paĝon en ĉiu minuto.

Ĉiu MINUTO havas sesdek SEKUNDOJN, kaj ĉiu SEKUNDO konsistas el senfina nombro da MOMENTOJ.

Pro sia HEROECO la nun FAMA Lindbergh, kiu transflugis la maron, estas HONORATA de la USONA PREZIDANTO Coolidge (Kuliĝ). La PREZIDANTO nun estas ORNAMANTA lin per MEDALO.

Edison estas FAMA persono pro siaj eltrovaĵoj. Li eltrovis la fonografon. Aliaj FAMAJ personoj estas – Napoleon, Bethoven, Zamenhof, Markoni kaj aliaj.

KVANKAM Ludoviko jam formanĝis dekon da pomoj TAMEN li diras, ke li estas malsata, kaj ke li estas preta formanĝi DUAN dekon.

Ĉar la BIENO ne alportadas iajn PROFITOJN al sia posedanto, Petro, li ĉiam sidas kun fingro ĉe la frunto kaj meditas (profunde pensas) laŭ kia MANIERO li DISPONU la BIENON.

Post longa KONSIDERO li DECIDAS sendi leteron al sia frato, kaj INVITI lin al sia BIENO.

Li tuj sidiĝas kaj skribas leteron, kaj kelkajn minutojn poste li forsendas ĝin.

Kelkajn tagojn poste ni vidas la fraton de Petro, kiam li ricevas la leteron.

Ni vidas lin traleganta la leteron kaj meditanta pri la AFERO. Subite li ekstaras, KVAZAŬ nova IDEO PENETRIS lian kapon. "Jes", li diras al si, "Tio estas bona PLANO. Mi ĝuste BEZONAS tian BIENON, kaj mi povas ĝin aĉeti tute MALKARE."

Poste kelkaj minutoj li jam estas sur la vojo al sia frato.

Kaj jen la du fratoj jam sidadas ĉe la tablo kaj priparoladas ĉion RILATE (koncerne) la AFERON de la BIENO. La PLANO IMPRESAS Petron, kaj post mallonga KONSIDERO la tuta AFERO estas KOMPLETIGITA, ĉar ni vidas Petron KALKULANTA la monon, kiun li ricevis de sia frato por la bieno.

Tiu malbona knabo ĵetis ŝtonon, kiu PRESKAŬ trafis min en mia kapo. Sed mi ekvidis la flugantan ŝtonon kaj TURNIS mian kapon SAMMOMENTE (en la sama momento).

"Ĉu via domo jam estas KOMPLETIGITA?"

"Ne, ĉu vi ne vidas, ke la fenestroj ankoraŭ MANKAS? Sed ĝi estos tute finita post kelkaj tagoj."

Johano eltrovis strangan MAŜINON. Sed kiam ĝi estis KOMPLETIGITA, li BEDAŬRINDE ekvidis, ke ĝi ne FUNKCIAS. Vane li serĉis pri la kaŭzo. Li tiun ne povis trovi. Kaj jen ni vidas lin en PROFUNDA MEDITADO. Subite do, li eksaltas ĝojege, ĉar li pripensis novan IDEON. Li elprovadas tiun, kaj, Ho... la MAŜINO EKFUNKCIIS.

La grandeco de la unua pomo estas ORDINARA, sed la grandeco de la dua pomo ja estas EKSTERORDINARA. Ĉar ankoraŭ neniu iam vidis tian grandan pomon.

La patrino de Karlo ĉiam SUFERAS kapdolorojn. Jen ŝi portas malsekan tukon sur sia frunto, sed la DOLORO ne ĉesiĝas.

Petro invitas fraŭlinon X, ke ŝi faru promenadon kun li en lia nova AŬTOMOBILO. Fraŭlino X AKCEPTAS la INVITON kaj DANKAS ĝojege.

Kiam Karlo venis al la lernejo, li rakontis al ĉiuj knaboj kaj knabinoj RILATE la kvin cendojn, kiujn li ricevis de sia onklo, kiu estas tre riĉa Amerika AFERISTO.

La fraŭlo surpaŝis la piedon de fraŭlino X, kaj nun li petas ŝian PARDONON. La fraŭlino X ridetas, sed la piedo tiel DOLORAS, ke larmoj aperas en ŝiaj okuloj.

Jen, Karlo, estas kvin cendoj, kiujn vi povas DISPONI laŭ via PLAĈO.

KARLO: – Grandan DANKON, onklo. Mi DANKAS al vi.

KARLO: – Kiu estas PRAVA, mi aŭ Johano? Mi diras, ke tri kaj kvar estas sep, kaj Johano diras, ke tri kaj kvar estas ok.

INSTRUANTO: - Vi, Karlo, estas PRAVA, kaj Johano estas MALPRAVA.