La Uzado De La Prefikso "GE".

Reĝo.	Reĝino.	Gereĝoj.		Geavoj.
Kelnero.	Kelnerino.	Gekelneroj.		Gefiloj.
Fianĉo.	Fianĉino.	Gefianĉoj.		Geedzoj.
Bakisto.	Bakistino.	Gebakistoj.		Geknaboj.

La Uzado De La Sufikso "OBL".

Triobla.	Kvinobla.	Naŭobla.
2 × 2 = 4 Du oble du estas kvar. 3 × 3 = 9 Tri oble tri estas naŭ.

PROFUNDA.  PROKSIMA.

Profunda rivero.

Malprofunda rivero.

Proksima domo.

Malproksima domo.

HIERAŬ  -  HODIAŬ  -  MORGAŬ.

INSTRUANTO: – Nun, Karlo, mi deziras klarigi al vi la signifojn de la vortoj – "HIERAŬ, HODIAŬ, MORGAŬ". Rigardu la "KALENDARON", kiun mi tenas en mia mano. La NOMBRO "10" montras la DATON de la nuna tago (ĉi tiu tago). Kiam ni parolas pri la nuna tago, ni diras – "HODIAŬ". Kiam ni parolas pri la tago, kiu estis antaŭ la nuna tago, ni diras "HIERAŬ";  kaj kiam ni parolas pri la tago, kiu estos post la nuna tago, ni diras "MORGAŬ". En aliaj vortoj:

    HODIAŬ ESTAS MERKREDO LA 10a DE AŬGUSTO.
    HIERAŬ ESTIS MARDO LA 9a DE AŬGUSTO.
    MORGAŬ ESTOS ĴAŬDO LA 11-a DE AŬGUSTO.

Nun, Karlo, donu ekzemplojn por montri, ke vi komprenas kion mi diris al vi.

KARLO: – Jen, HIERAŬ nokte mi iris dormi. Mi dormis la tutan nokton kaj vekiĝis HODIAŬ matene. HODIAŬ nokte mi iros dormi. Mi dormos la tutan nokton kaj vekiĝos MORGAŬ matene. Ĉu mi estas prava, Sinjoro?

INSTRUANTO: – Jes, Karlo, TUTE PRAVA.

KOMPRENI – LINGVO – AMBAŬ – TIAL.

Unu viro estas Ĉino kaj la alia estas Ruso. La Ĉino ne scias la rusan lingvon, kaj la Ruso ne scias la ĉinan lingvon. Ambaŭ ne scias la esperantan lingvon. Ili tial ne komprenas unu la alian kaj estas malamikoj.
Unu viro estas Turko kaj la alia estas Franco. La Turko ne scias la francan lingvon, kaj la Franco ne scias la turkan lingvon; sed ili ambaŭ scias la esperantan lingvon. Ili tial komprenas unu la alian, kaj estas amikoj kaj fratoj.

LARMOJ. RULI. FLUI.

La LARMOJ FLUADAS el la okuloj de la ploranta knabino, kaj RULIĜADAS sur ŝiaj vangoj.

KONI.

A – "Jen iras Sinjoro Bruno kun sia edzino. Ĉu vi konas lin?" B – "Jes, mi konas Sinjoron Brunon tre bone." A – "Ĉu vi ankaŭ konas lian edzinon?" B – "Ne, ŝin mi ne konas. Mi eĉ ne sciis, ke li havas edzinon."

ATENTE – MUZIKO – TAMEN.

La maljuna Johano AŬSKULTAS ATENTE la FONOGRAFON, TAMEN li ne povas aŭdi la MUZIKON, ĉar li estas surda. Petro tute ne AŬSKULTAS la FONOGRAFON, ĉar li legas sian libron, TAMEN li aŭdas la muzikon.

MOVI – FLUGI – NAĜI.

Piedoj.		Flugiloj.		Naĝiloj.
Homoj MOVIĜAS de loko al loko per piedoj. HOMOJ PIEDIRAS. Birdoj MOVIĜAS de loko al loko per la flugiloj. BIRDOJ FLUGAS. Fiŝoj MOVIĜAS de loko al loko per la naĝiloj. FIŜOJ NAĜAS.

TERO – AERO – AKVO.

Homoj piediras sur la tero.

Birdoj flugas en la aero.

Fiŝoj naĝas en akvo.

FLUIDO – SOLIDO (MALFLUIDO) – GASO.

La tero estas solido (malfluido).

Akvo estas fluido.