223. Kokinaĵo.

Unu kokino kaj duono demetas unu ovon kaj duonon en unu tago kaj duono. Kiom da ovoj demetas unu kokino en ses tagoj?

224. Katoj – Ratoj.

Se tri katoj kaptas tri ratojn en tri minutoj, kiom longe bezonas tricent katoj, por kapti tricent ratojn?

225. Dekduoj.

Kio estas pli granda, (a) aŭ (b)?

(a) ses dekduoj da dekduoj
(b) duona dekduo da dekduoj

226. Okoj.

Ĉu vi povas skribi ok ciferojn “8” tiel, ke ilia adicio rezultigas 1000?

227. Aĝo.

Karlo estas nun 36 jaraĝa. Karlo havas la duoblan aĝon de tiu, kiun Fredo havis, kiam Karlo havis duone la aĝon, kiun Fredo havas nun. Kiun aĝon havas Fredo?

228. Por infanoj.

Adiciu: la jaron de via naskiĝo la jaron en kiu vi eklernis Esperanton, vian aĝon la jarojn post via Esperantistiĝo. Dividu la sumon per du!

229. La mankanta monero.

Ĉiu el du viroj, A kaj B, aĉetas keston kun sesdek oranĝoj. La monereto de la lando estu “m”.

A vendas siajn oranĝojn jene:
30 grandajn je 1m por 2 fruktoj, kaj
30 aliajn je 1m por 3 fruktoj.
Tuta enspezo – 25m.

B vendas siajn fruktojn jene:
ĉiujn 60 je 2m por 5 fruktoj.
Tuta enspezo – 24m.

Kie estas la mankanta monereto?