por ĉiuj aktoj

La tuta antaŭaĵo konsistas el vitroverando en la malsupra etaĝo, aranĝita kiel ĉambro. Meze granda pordo al ĝardenkvadrato kun barilo kaj barilpordo al la strato. Aliflanke de la strato, kiu same kiel la domo kuŝas sur altaĵo, oni vidas malaltan barilon de ĝardeno, kiu deklivas malsupren al la urbo.

La fono prezentas la printempoverdajn arbosuprojn de tiu ĝardeno. Super ili preĝeja turo kaj monumenta domgablo.

La fenestroj de la verando, kiu okupas la tutan larĝon de la scenejo, havas kurtenojn el helflava, flordesegna kretono kaj estas ŝoveblaj. Murspegulo pendas sur fenestrofosto maldekstre de la pordo, sub la spegulo estas kalendaro.

Dekstre de la fonpordo granda skribtablo kun libroj, skribilaro kaj telefono. Maldekstre de la fonpordo manĝotablo, glimpordeta ferforno, bufedo. Dekstre en la unua plano kudrotablo kun lampo. Apud ĝi du brakseĝoj. En la plafono pendas plafonlampo.

Ekstere sur la strato gaslanterno kun Auer-flamingo.

Maldekstre en la verando estas pordo al la ĉambraro; dekstre estas pordo al la kuirejo.

Tempo: la nia.