kadralterno procedo, en kiu la bildo alternas inter du kontrastaj direktoj, ekzemple inter la vizaĝoj de du kunparolantoj.

en: shot reverse shot

fr: champ-contrechamp

it: campo-controcampo

kadro tio, kio videblas en la bildo, kontraste al eksterkadraĵoj.

en: field size

fr: champ

it: campo

kameraisto teknikisto funkciiganta kameraon.

en: camera operator

fr: cadreur, opérateur de prises de vue

it: operatore di ripresa, cameraman

kamerao filmilo, aparato dediĉita al filmado.

en: camera

fr: caméra

it: macchina da presa

katastroffilmo filmo prezentanta katastrofojn, detruegojn kaj iliajn sekvojn en la vivo de homoj.

en: disaster films

fr: film catastrophe

it: film catastrofico

kinaĵo, kinofilmo filmo taŭga por projekcio sur granda ekrano.

en: movie

fr: film de cinéma

kinejo loko, en kiu oni publike projekcias kinaĵojn.

en: cinema, movie theater

fr: cinéma, salle de cinéma

it: cinema

kino = kinarto

kinoĵurnalo filmita ĵurnalo prezentata en kinejo, ordinare antaŭ la ĉefkinaĵo.

en: newscast

fr: actualités

kinarto arto pri farado de kinofilmoj.

en: movie

fr: cinéma, septième art

kinoramo procedo de bildigo sur tre larĝa, kurba ekrano dank' al registrado per pluraj kameraoj.

en: cinerama

fr: cinérama

it: cinerama

klipo = muzikfilmeto

komedio, komedia filmo filmo kun realisma temo, amuzaj aŭ ridigaj scenoj kaj feliĉa fino.

en: comedy, comedy film

fr: film de comédie

it: film commedia

kontribuaro, kontribulisto surekrana listo de la filmfarintoj, ordinare komencanta aŭ finanta la prezenton.

en: credits title

fr: générique

it: titoli di testa, titoli di coda

krimfilmo, krimofilmo filmo prezentanta krimojn kaj prienketadojn.

en: crime film

fr: film policier, film noir

it: film poliziesco, film giallo

kromvendaĵo objekto rilata al kinofilmo kaj vendata de filmkompanio: diska registraĵo, vesto, ludilo...

en: tie-in

fr: produit dérivé

kulturfilmo = dokumentofilmo

kunmeto aranĝo de planoj, bildoj kaj sonoj, el kiu rezultos finfarita filmo.

en: film editing

fr: montage

it: compositing