La lingvo Esperanto havas specifajn literojn kun supersignoj, kiujn oni ne trovos en aliaj lingvoj. Jen ili estas:
 

Ĉ-ĉ  Ĝ-ĝ Ĥ-ĥ  Ĵ-ĵ  Ŝ-ŝ  Ŭ-ŭ
 

Se oni volas skribi esperante dum oni uzas sian komputilon, tiam oni havas kelkajn eblojn:

• La unua bazas je skribado de ĉi-supre mencitaj literoj kiel literoj latinaj kun la aldono de litero h:
  ĉ – oni skribas kiel ch, ĝ kiel gh ktp. La literon ŭ ni skribas sen h. Tiun ĉi manieron proponis Zamenhof mem jam ĉe la komenco de ekzistado de Esperanto. La metodo ebligas la skribadon de la esperantaj literoj per klavaroj ne havantaj ilin.
  Ekzemploj:
      chambro, ghardeno, hhoreografio,  jhetajho, shablono, fraulino
  
  Kelkfoje la metodo enkondukas dubsencaĵojn – Zamenhof intencis ĉiun literon rilatan al nur unu parolsono. Dank' al tio la skribado estas simpla kaj facila por ellerni. Estas multaj esperantaj vortoj, kiuj havas en si la literogrupon sh, ekzemple:
      aŭtobushaltejo borshalo sekshormono
   
• La dua propono, tre populara enrete, bazas je skribado de esperantaj literoj per aldono de x al la latina litero. Tiu ĉi litero ne ekzistas en la esperanta alfabeto, tial ne aperas dubsencaĵojn, kiel en la kazo de la litero h. En tiu ĉi sistemo la literon ĉ oni skribas kiel cx, ĝ kiel gx, ktp.
  Ekzemploj:
      cxambro, gxardeno, hxoreografio,  jxetajxo, sxablono, frauxlino
   
• La tria eblo bezonas instaladon de Unikodan klavaron, kiu senprobleme ebligas tajpadon de esperantaj literoj.
  Ekzemploj:
      ĉambro, ĝardeno, ĥoreografio,  ĵetaĵo, ŝablono, fraŭdo

La ĉi-supre prezentitaj ekzemploj klare montras, ke la plej bonajn efikojn havas la tria metodo. La Unikoda klavaro povas kunlabori kun multaj aplikaĵoj, ekzemple Word, Excel, PowerPoint, Frontpage, Outlook (leteroj!!!), Corel Draw, kaj eĉ la ordinara Vindoza Notlibro.

En Linukso oni povas simple elekti la esperantan klavaron kaj ĝui ĝin en sia agado.

En Vindoza Sistemo oni instalas simplan programon, kiu transformos la literojn tajpatajn kun h aŭ kun x je la koncernaj esperantaj literoj. La programo estas:

Tajpi

Per tiu ĉi ligilo vi vizitos retejon en la esperanta lingvo, kiu detale priskribas la manieron elŝuti kaj instali tiun ĉi aplikaĵon. Mi mem uzas ĝin jam de kelkaj jaroj kaj mi ne spertis pli gravajn problemojn, tial mi ĝin rekomendas al ĉiuj interesantoj.