UNIVERSALA ESPERANTO METODO

UNUA PARTO

SEPA LECIONO

Al lecionoparto: [1] [2] [3] [4]

LA ROMPITA BASTONO.

obrazek

Karlo montras al Johano la bastonon de sia patro kaj demandas: "Ĉu vi povas fari du bastonojn el unu?" Johano respondas: "Ne. Ĉu vi?"

obrazek obrazek

Karlo diras: "Certe, rigardu! Jen estas la bastono de mia patro. Nun mi prenas ĝin per miaj du manoj, ..."

obrazek obrazek obrazek

"... kaj metas mian genuon ĉe la mezo. Nun mi rompas ĝin en du pecoj. Ĉiu peco nun estas bastono." Sed jen montriĝas la patro de Karlo ĉe la pordo. Li vidas, kion Karlo faris kun lia bastono, kaj li diras al Karlo:

obrazek obrazek

"Ĉu vi povas fari brunan koloron el blanka?" Karlo respondas: "Ne. Ĉu vi?" La patro diras: "Certe. Rigardu! Jen mi prenas, per unu mano, pecon el la bastono, kiun vi rompis, kaj per la dua, ..."

obrazek obrazek obrazek obrazek

"... mi prenas vin je la nuko. Nun mi sidiĝas sur la seĝon. Mi metas vin sur mian genuon, kaj mi bastonadas vian postaĵon ĝis ĝi fariĝos bruna."

 

VOKAS.

obrazek
Fraŭlino Yong vokas la knabon.
obrazek
Sinjorino Davis vokas la hundon.

 

ORDONI – ŜOVI – OBSTINA – OBEI.

Henriko estas tre OBSTINA knabo. Ĉiun tagon lia patrino ORDONAS al li, ke li ne manĝu per la manoj, sed li ŝin ne OBEAS; ankaŭ nun ŝi diras al li: "Ne manĝu per viaj manoj, jen estas forko!" sed li denove ne OBEAS kaj OBSTINE ENŜOVAS la manon en la teleron.

obrazek.

 

RAKONTI – AŬSKULTI - ATENTE.

La avino estas tre saĝa virino. Ŝi povas RAKONTI tre belajn historiojn. Ŝi nun sidas kun siaj nepoj kaj nepinoj kaj RAKONTAS al ili la historion pri la saĝa reĝo Salomono. Rigardu kiel la infanoj sidas ĉirkaŭ la avino kaj AUSKULTAS ATENTE la belan historion.

obrazek.

 

VENI – VERO – MENSOGI

obrazek obrazek

obrazekPATRO - Diru la VERON, kiu rompis la spegulon?
KARLO – Ne mi, patro.
PATRO – Kiu do?
KARLO – Mi ne scias.
PATRO – Vi MENSOGAS. Vi rompis ĝin.
KARLO – Ne, patro, mi ne MENSOGAS. Mi diras la VERON.
PATRO – Sed mi vidis vin te ni la spegulon ĉi tiun matenon.
KARLO – Jes, patro, tio estas VERO, mi tenis ĝin, sed mi ĝin ne rompis. Ĝi falis el miaj manoj, kaj kiam mi ĝin levis, mi trovis, ke ĝi jam estis kiel nun. HONESTE, tio estas la VERO. Vi scias, ke mi ne MENSOGOS al vi.
PATRO – CERTE, Karlo, mi scias tion bone.

 

NOMO.

Maljunulino: - "Ho, knabo! Kio estas via NOMO?"

Knabo: – "Mia NOMO estas Henriko."

Maljunulino: – "Kaj kio estas la NOMO de via patro?"

Knabo: – "La NOMO de mia patro estas Petro. La Nomo de mia patrino estas Mario. La NOMO de mia hundo estas Hektor. Ĉu vi ankaŭ volas scii la NOMON de nia bruna kato?"

obrazek

 

La uzado de la sufikso "ER"

obrazek
Ĉeno.
obrazek
Ĉenero.
      obrazek
Mono.
obrazek
Monero.
obrazek
Barelo.
obrazek
Barelero.
  obrazek
Neĝo.
obrazek
Neĝero.
obrazek
Fajro.
obrazek
Fajrero.
  obrazek
Pavimo.
obrazek
Pavimero.
obrazek
Herbo.
obrazek
Herbero.
  obrazek
Maizo.
obrazek
 Maizero.

 

La uzado de la sufikso "AR"

obrazek
Arbo.
obrazek
Arbaro.
      obrazek
Ŝtupo.
obrazek
Ŝtuparo.
obrazek
Vagono.
obrazek
Vagonaro.
  obrazek
Vinbero.
obrazek
Vinberaro.
obrazek
Dento.
obrazek
Dentaro.
  obrazek
Lupo.
obrazek
Luparo.
obrazek
Osto.
obrazek
Ostaro.
  obrazek
Dentrado.
obrazek
Dentradaro.

Al lecionoparto: [1] [2] [3] [4]


La letero al prizorganto de la Edukada Servo

Via email: (se vi volas ricevi respondon)
La temo:
Atenton: ← Enskribu la vorton  ilo  , alie la letero pereos

Skribu la leteron sube (ne pli ol 2048 literoj).

La nombro de literoj por uzado: 2048


I Liceum Ogólnokształcące
im. Kazimierza Brodzińskiego
w Tarnowie

(C)2018 mgr Jerzy Wałaszek
GNU Free Documentation License.