LA UZADO DE LA SUFIKSO "AD".

Krono.	Kronado.		Fumo.	Fumado.
Pafas.	Pafadas.		Saltas.	Saltadas.
Falas.	Faladas.		Guto.	Gutado.
Martelo.	Martelado.		Movas.	Moviĝadas.

LA UZADO DE LA SUFIKSO "UJ".

Pomo.	Pomujo.		Piro.	Pirujo.
Cigaro.	Cigarujo.		Violono.	Violonujo.
Ĉapelo.	Ĉapelujo.		Alumeto.	Alumetujo.
Turko.	Turkujo.		Japano.	Japanujo.

LA SOIFA BIRDO.

Soifa birdo vidas akvon en vitra kruĉo. Ĝi frapas per sia beko la vitran kruĉon por ĝin rompi aŭ faligi. Sed la kruĉo ne falas nek rompiĝas. La birdo nun stariĝas sur la rando de la kruĉo, sed ĝia beko ne atingas la akvon. Kion fari?

Jen la birdo ekvidas ŝtonajn globetojn sur la breto. Ĝi flugas al la breto. Ĝi stariĝas sur la rando de la breto kaj prenas globeton per la beko.

Ĝi faligas la globeton en la kruĉon, kaj la akvo en la kruĉo altiĝas iomete. Ĝi prenas alian globeton de sur la breto per sia beko. Ĝi faligas ĝin en la kruĉon, kaj la akvo en la kruĉo altiĝas plie.

Kaj tiel la soifa birdo faligas globeton post globeto kaj la akvo en la kruĉo altiĝas kaj altiĝas ĝis fine ĝi atingas la randon de la kruĉo.

Kaj nun la birdo trinkas la akvon kaj satigas sian soifon.

FINO

MIN  VIN  ĜIN  ILIN  ŜIN  LIN  NIN

SIN